Wasaaradda arrimaha dibedda ee dalka Ethiopia ayaa faahfaahin ka bixisay ka bixitaanka ciidamadooda ee magaalada Baydhabo ee gobolka Bay, waxayna sidoo kale sheegeen in ay Baydhabo ka baxeen laakin aysan Soomaaliya ka wada bixin, ayna sii wadi doonaan dagaalka ka dhanka ah xarakada Shabaab.

Afhayeen u hadlay wasaarada arrimaha dibada ee dowlada Ethiopia Dina Mufti ayaa u sheegey wakaalada wararka u faafisa faransiiska ee AFP in qorshahaasi uu ahaa mid horey uu u jiray ayna markasta qorshaynaysay Ethiopia  in magaalada Baydhabo ay ku wareejiyaan dowlada Soomaaliya maadaama ay ka saareen kooxda Shabaab.

‘’Waxaa jiray qorshe ah in Ethioa sanad kan ay soo afjarto howlgalkeedi Soomaaliya.  taasi oo saldhig u ah in aanu jirin quwad military oo shabaab ay dad ku soo weerari karto,  ayadoo la xaqiijinayo isbedel iyo horumar, ‘’Ayuu yiri  Sarkalkan u hadalay wasaarada arimaha dibada ee Ethiopia.

Ciidanka Ethiopia ayaa  horey uga baxay magaalada Xudur ee xaruuinta Gobolka Bokool ayadoo wixii xiligaasi kadambeeyaayna ciidanka qalabka sida ay bilaabeen sidii ay u sameyn lahaayeen gaashaan adag oo ka dhan ka argagixisada Alqaaida.

Hadalka ka soo baxay xukumada Adis’abaaba ayaa ka dambeyay wax yar un kadib markii ciidanka militaarka Ethiopia ay faarujiyeen fariisimo miletary oo ay ku lahaayeen magaalada Baydhabo, waxeyna  wasaarada arimaha dibada ee dowlada Ethiopia  sheegtey in ciidankoodi ay ka baxeen Baydhabo Ammaankana lagu wareejiyay ciidamada qalabka sida iyo kuwa AMISOM.