Ra’iisal Wasaaraha Xukuumada Federaalka KMG ah ee Soomaaliyeed Mudane
Maxamed Cabdullaahi Maxamed (Farmaajo) ayaa maanta qado u sameeyey
saraakiisha ciidamada Xoogga dalka Soomaaliyeed, wuxuu qadada kadib la hadlay saraakiisha ciidamada wuxuuna uga mahadceliyay adkeysiga iyo dedaalada xoogan ee ay ugu jiraan
sidii dib loogu soo celin lahaa dalka Nabadii iyo kala dambeyntii muddada dheer la waayay., wuxuuna
u sheegay in dal aan laheyn ciidamo aanu jiri karin sidaasi owgeedna
looga baahan yahay saraakiishu inay la yimaadaan dardar xoogan oo ay ku
nidaaminayaan ciidamadooda isla markaana dalka uga saarayaan caddowga dowlad diidka ah ee diinta huwan.
Saraakiisha ciidamada ayaa iyaguna uga mahadceliyay Ra’iisal
Wasaaraha casuumaadan ballaaran oo qadada ah waxayna warbixino xasaasi
ah ka siiyeen howlgaladooda iyo ciidamada ay hogaamiyaan, iyagoo taakulo
dhan kasta ah ka codsaday Ra’iisal Wasaaraha iyo xukuumadiisa cusub.
Abaanduulaha ciidamada Xoogga Dalka C/kariin Yuusuf Aadan
(Dhega-badan) ayaa si guud uga warbixiyay ciidamada iyo howlgaladoodii
isagoo sheegay in maalmihii ugu dambeeyey dagaaladii dhacayay ay
ku naafeeyeen caddowga wuxuuna ugu baaqay dhalinyarada u dagaalamaya
kooxaha mucaaridku inay dagaalada joojiyaan hubkana iska dhigaan.
Admeral Faarax Axmed Cumar (Farax Qare) Taliyaha Ciidanka Badda DKMG ah ee Soomaaliya kasoo jeediyay warbixin iyo talo aad u heer sareysay , waxayna si cilmiyaysan xal ugu eheyd sida badda Sommaaliyeed looga ilaalin karo Kuwa Qashinka haraga Nukliyeerka ku daadiya, kuwa xaalufinta ku hayaan kheraadka badda oo sida sharci darrada ah kaga kalluumaysta iyo Burcad badeedda Soomaliyeed ee caadaystay inay waxyeeleeyaan Maraakiibta u kala socota calamka , warbixintaasi oo aad u cimiyaysnayd waxay noqotay mid aad loogu riyaaqay , waxuuna ballan qaaday R/wasare Farmaajo inuu Calamka la dalbayo in laga taageero sidii loo hirgelin laha howlgalka waxtarka leh ee uu Taliyaha ciidanka Badda soomaaliyeed uu kusoo bandhigay waxbixintiisa.
Ugu dambeyntiina Ra’iisal Wasaare Maamed Cabdullaahi Maxamed Farmaajo
oo shirka soo gabo gabeeyey ayaa u balan qaaday in xukuumadiisu ay la
garab istaagi doonto taakulo dhaqaale iyo mid Milateriba ayna uga
fadhiyaan ciidamada Xooga dalka Soomaaliyeed inay gutaan waajibkooda
Qaran ee ka saaran badbaadinta dalka iyo dadka kana hortagaan xooggaga xubaysan ee mucaaradka dowlad diidka ah.
Kulankan ayaa qeyb ka ah dedaalo uu ku doonayo Ra’iisal Wasaaraha
Xukuumada Federaalka KMG ah ee Soomaaliya Mudane Maxamed Cabdullaahi
Maxamed (Farmaajo) inuu dib ugu dhiso ciidankii Xooga Dalka Soomaaliyeed
si loo helo Nidaam iyo kala dambeyn.kusoo noqota ciidanka Xoogga dalka Soomaaliyeed